Arratisja nga Maqedonia e ish-kryeministrit Nikolas Gruevski ka qenë në qendër të vëmendjes nga të gjitha mediat e huaja ditët e fundit. Gruevski u arratis pasi ishte dënuar për çështjen “Tank”, ku akuzohej se kishte blerë me shpenzimet qeveritare një Mercedes që kushtonte më shumë se 500 mijë euro.
Por ditën e sotme ish-kryeministri Sali Berisha ka bërë një deklaratë të fortë në emisionin “5 pyetje nga Babaramo”. Ish-kryeministri tha se edhe Edi Rama ka vepruar njëlloj si Gruevski duke blerë një makinë të blinduar si ai.
Berisha tha: “A e dini se pse u dënua Gruevski? Sepse ka importuar një makinë të blinduar. Kur unë erdha në pushtet, gjetëm në kryeministri një Benz të blinduar të lënë nga Meta apo Nano, nuk e di. Por, udhëheqësit e huaj kërkonin një makinë të blinduar.
Edhe ne e blemë një makinë të blinduar për parkun e delegacioneve. Ajo makinë nuk ka hyrë në kryeministri asnjëherë, përveç se me miq. Edi Rama spo erdhi në pushtet mori makinën e blinduar të parkut të delegacioneve. Më pas ai bleu një makinë të blinduar identike si Gruevski”.
