Në konkurrencën e femrave, Petra Vlhova nga Sllovakia, ngadhënjeu në disiplinën sllallomit. Ajo ka qenë më e mirë se skiatoret tjera, duke e zënë vendin e parë me kohë të kaluar për 1:49.98 minuta, garë që mbajt në Leve. Sllovakja rrëshqiti pothuajse pa asnjë gabim dhe kjo ishte edhe arma e saj për të shënuar fitore. Në vend të dytë renditet amerikania Mikaela Shiffrin, e cila ngeci për 10 qindtat nga fituesja e kësaj gare. Karakteristikë ka qenë zvicerania Wendy Holdener që zuri vendin e tretë, por me një kohë më të dobët për një sekondë e 35 qindtat se Vlhova. Frida Hansdotter nga Suedia zuri vendin e katërt me 2 sekonda e 17 qindta se triumfuesja e kësaj gare. Në renditjen e përgjithshme të Kupës së Botës, Shiffrin udhëheq me 125 pikë, e përcjellë nga Vlhova (115), gjermania Rebensburg (100), Holdener (100) etj.
Femrat
1. Petra Vlhova (Sllovakia) 1:49.98
2. Mikaela Shiffrin (SHBA) 0.10
3. Wendy Holdener (Zvicra) 1.35
4. Frida Hansdotter (Suedia) 2.17
5. Melanie Meillard (Zvicra) 2.58
6. Lena Durr (Gjermania) 2.78
7. Anna Swenn-Larsson (Suedia) 3.18
8. Stephanie Brunner (Austria) 3.20
9. Ana Bucik (Sllovenia) 3.26
10. Marie Gagnon (Kanada) 3.48