Kryetari i Komunës së Vushtrrisë, Xhafer Tahiri, dhe humanisti, Halil Kastrati, ua kanë dorëzuar çelësat e shtëpive dy familjeve në nevojë.
Siç ka njoftuar kryetari Tahiri, çelësat i janë dorëzuar familjes Dragidella në Novolan dhe familjes Sinani në Zagori.
Kryetari i Vushtrrisë me këtë rast ka falenderuar shoqatën “Jetimat e Ballkanit” dhe drejtuesin e saj, Halil Kastratin.
“Në kuader te bashkepunimit tone si komune dhe shoqate, tashme 10 familje ne Vushtrri kete vit po behen me shtëpi”, ka shkruar Tahiri në profilin e tij në “Facebook”.
