Sekretarja e përgjithshme e ANOC Olympic, Gunilla Lindberg, priti presidentin Ismet Krasniqi!
Sekretarja e përgjithshme e Asociacionit të Komiteteve Olimpike Kombëtare (ANOC), Gunilla Lindberg, ka pritur në takim presidentin e Komitetit Olimpik të Kosovës, Ismet Krasniqi, i cili shoqërohej nga këshilltari i tij, Besim Aliti.
Sekretarja Lindberg ka uruar presidentin Krasniqi për dy medaljet e arta të fituara me Distria Krasniqin dhe Nora Gjakovan.
Presidenti Krasniqi ka falënderuar sekretaren Lindberg për përkrahjen dhe bashkëpunimin e ANOC-ut dhënë për Kosovën.
Takimi që u mbajt në zyren e ANOC-ut në Tokio u zhvillua nën diskutimet se si ANOC mund të përkrahë dhe bashkëpunojë ngushtë me KOK-un në projekte të ndryshme.
