Komuna e Istogut në bashkëpunim me Federatën Aeronautike të Kosovës dhe Aeroklubin “Shkaba” kanë organizuar garat ndërkombëtare të Paragllajdizmit ”Kosova Open” që filluan sot të mbahen në bjeshkët e Istogut në Shymek, rrugës për në Lugë të Butë. Si pjesëmarrës në këto gara, përpos pilotëve nga Kosova, morën pjesë edhe pilot tjerë nga Shqipëria dhe Maqedonia.
Fluturimi i paragllajdistëve u bë nga pika e Shymekut dhe aterimi i tyre u bë afër stadiumit të qytetit “Demush Mavraj” në Istog.
Në emër të Federatën Aeronautike të Kosovës, foli kryetari i saj Fadil Gërguri ku përshëndeti të gjithë të pranishmit dhe falënderoj komunën e Istogut për përkrahjen e vazhdueshme që i është ofruar dhe në vazhdimësi po ju ofrohet.
Pjesëmarrësit në këto gara vlerësuan së bjeshkët e Istogut janë ndër pikat më të mira në Kosovë për fluturimin e paragllajtistëve si dhe mbajtjen e këtyre garave.
Këto gara do mbahen për dy ditë me radhë nga sot si dhe do përfundojnë të dielën ku edhe zyrtarisht do të bëhet mbyllja e garave ku edhe do të bëhet shpallja e fituesve.
