Vinales: Shpresoj që Yamaha të ketë një motor të shpejtë e fitues

Sporti

Vinales: Shpresoj që Yamaha të ketë një motor të shpejtë e fitues

Më: 17 janar 2018 Në ora: 14:04
Yamaha

Maverick Vinales shprehet se është gati për sezonin e ri në Moto GP dhe se mezi pret të nisin provat dimërore, për të provuar motorin e ri Yamaha. Piloti spanjoll vjet debutoi me motorin japonez, ku ai pretendonte të duelonte deri në fund për titullin, por kjo mbeti një dëshirë. Ndaj Vinales shpreson që këtë vit të ndodhë e kundërta, ku të jetë një konkurrent i fortë deri në fund të sezonit dhe të fitojë titullin kampion.

“Do të ishte fantastike nëse do t’ia arrinim këtë sezon. Ende nuk e kam provuar motorin e ri, por kam parë që është bërë një punë fantastike dhe shpresoj që ndryshimet e përgatitura të japin efektin e duhur në pistë. Duhet një motor i balancuar mirë, i shpejtë dhe i përshtatshëm për të gjitha pistat, që të mos garojmë me hope dhe të falim pikë në shumë gara. Por unë besoj se do të jemi kompetitivë”, tha Vinales.

commentFirst article
Sot mund të lexoni Shfletoni kopertinat