Conor McGregor është goditur me një pezullim njëmujor për arsye mjekësore pas “dajakut” që mori nga Khabib Nurmagomedov në UFC 229.
Irlandezi është mposhtu me submission në raundin e katërt të ndeshjes për titullin e peshës së lehtë gjatë orëve të para të mëngjesit të së dielës.
Një raport zyrtar i shpallur nga organizata shkruan: “Conor McGregor: Pezullohet deri më 6/11/18, asnjë kontakt deri më 28/10/18.”
McGregor mori disa grushte të rënda në fytyrë gjatë raundit të dytë të ndeshjes. Ai u ringjall në raundin e tretë, përpara se të dorëzohej një raund më pas.
Pezullime të tilla janë diçka e njohur tashmë në UFC, këto masa merren për të siguruar sa më shumë shëndetin e luftëtarëve.
Gjithsesi pezullimi mund të shtohet nëse Komisioni Atletik i Nevadës e shpall fajtor në sherrin e madh që ndodhi pas ndeshjes.