Nothing njoftoi lansimin e Nothing Phone 2, vazhdimi i gjeneratës së dytë të Nothing Phone origjinal që doli vitin e kaluar.
Ashtu sikurse Nothing Phone, modeli 6.7 inç i Nothing Phone 2 përmban një dizajn unik transparent me reflekse LED, që Nothing e quan një ndërfaqe Glyph.
Modeli 2 përdor sistemin operativ Nothing OS të bazuar në Android.
Veçoritë kryesore mund të aksesohen përmes mini-aplikacioneve pa pasur nevojë për të hapur një aplikacion, dhe sistemi operativ mbështet dizajne të personalizuara të rrjetit, madhësive të mini-aplikacioneve dhe temave me ngjyra.
Sa i përket kamerës, Phone (2) përfshin një kamerë të përparme 32 megapikselë dhe një sistem të dyfishtë të kamerës së pasme me dy sensorë 50 megapikselë. Pajisja mundësohet nga një çip Snapdragon 8+ Gen 1 dhe është i pajisur me një bateri 4700 mAh.
Nothing Phone 2 po lansohet në Shtetet e Bashkuara si dhe në vende të tjera, dhe kjo shënon herën e parë që një pajisje Nothing është në dispozicion në SHBA.
Pajisja mund të porositet paraprakisht nga sot në Shtetet e Bashkuara në Mbretërinë e Bashkuar dhe Evropë, me një çmim duke filluar nga 599 dollarë për 8 GB RAM dhe 128 GB memorie.
Lansimi i përgjithshëm do të fillojë më 17 korrik dhe klientët amerikanë në New York mund të marrin pjesë në një event më 13 korrik ku do të jenë të parët që blejnë modelin Phone 2.
