Asus ROG së fundmi njoftoi se një ekip ekspertësh ‘overclocking’ theu katër rekorde botërore të ‘overclocking’.
‘Overclockers’ nga pjesë të ndryshme të botës thyen rekorde botërore me ndihmën e pllakë amë ROG Maximus Z790 Apex Encore, e cila ishte e pajisur me procesorin më të fundit Intel Core i9-14900KS.
Core i9-14900KS është procesori më i fundit i Intel-it për desktop, me 24 bërthama. Vjen me shpejtësi të rritjes së orës prej 6.2 GHz, kështu që nuk është për t’u habitur që ‘overclockers’ kanë arritur të vendosin rekorde të reja me të.
Një nga rekordet që u thyen ishte ai i shpejtësisë, duke tejkaluar atë të mëparshëm të vendosur nga ‘overclocker’ Elmor, me një shpejtësi prej 9044 Mhz me një Core i9-14900KF. Rekordi i ri tani qëndron në 9117.8 MHz dhe u arrit në ROG Maximus Z790 Apex Encore.
Siç mund ta shihni në videon e publikuar më poshtë, rekordi u arrit me ndihmën e ftohjes së procesorit me helium të lëngshëm dhe CPU-ja arriti një temperaturë prej minus 231 gradë Celsius gjatë provës.
‘Safedisc’ përdori të njëjtin konfigurim për rekordet e mëposhtme botërore: PiFast në vetëm 6,79 sekonda, SuperPI 1M në 3,768 sekonda dhe PYPrime 32B në 97,596 sekonda.
