“Google” dhe “Microsoft Bing” do të bllokojnë qasjen në përmbajtjet e piratuara. Ky është premtimi i dy gjigandëve të kërkimit online, një projekt i cili ka filluar implementimin në Britani.
Kodi i ri i cili do të bëjë të mundur bllokimin e qasjes do të zhvillohet në bashkëpunim me mbajtësi e të drejtave të autorit. Ndër tjera kodi i ri do të ridrejtojë përdoruesit tek uebsajtet e kompanive të autorizuara.
Shpeshherë përdoruesit duke kërkuar një përmbajtje të caktuar e gjejnë vetveten në një shpërndarës ilegal të tyre.
Aleanca për Pronësinë Intelektuale dëshiron që në krye të rezultateve të kërkimit të shfaqen përmbajtjet dhe distributorët e ligjshëm.
Organizata në fjalë do të bëjë publik kodin së shpejti ndërsa ndryshimet pritet të aplikohen gjatë verës. Pritet që “Google” dhe “Microsoft” të aplikojnë masat e reja globalisht.