Facebook, krijon hartën e katastrofave

Teknologji

Facebook, krijon hartën e katastrofave

Më: 9 qershor 2017 Në ora: 14:53
Ilustrim

Facebook fuqizon edhe më shumë mjetet e saj të ndihmës në raste fatkeqësish natyrore.

Pas Safety Check, me të cilin përdoruesit mund të qetësonin miqtë e të afërmit për kushtet ku ndodheshin, vjen edhe harta e katastrofave, e përdorur nga organizatat që duhet të çojnë ndihmën e shpejtë.

Funksioni shfrytëzon të dhënat agregate, anonime, që përdoruesit kanë zgjedhur të shpërndarjne në rrjetin social për të furnizuar një ‘fotografi’ se sa njerëz ndodhen në një vend, në zona për shembull të goditura nga ndonjë tërmet apo përmbytje, shpjegon Facebook.

Mbi këto harta kompania po punon, me testet e para, bashkë me organizata të ndryshme ndërkombëtare, mes të cilave Unicef, Kryqi i Kuq dhe Programi botëror për Ushqimin, që respektojnë standardet e privatësisë. Të dhënat vijnë nga përdoruesit e Facebook në celularë që kanë zgjedhur të shpërndajnë me rrjetin social pozicionin gjeografik.

Përmes hartave të katastrofave Facebook shpërndan eme këto organizata tre lloj informacionesh. Një për Safety Check dhe shfrytëzon informacionin e thënë nga njerëzit që gjenden në vendet e katastrofave për të treguar në mënyrë anonime, ku ndodhet pjesa më e madhe apo më e vogël e njerëzve që janë shëndosh e mirë.  

E dyta, funksioni shfrytëzon të dhënat mbi densitetin e njerëzve në atë vend, para, gjatë dhe pas krizës dhe e treta, informacioni është drejtimi mbi të cilin po lëvizin njerëzit për të koordinuar më mirë ndihmën.

Sot mund të lexoni Shfletoni kopertinat