Twitter dhe Facebook nuk po respektojnë plotësisht rregullat e përdoruesve në BE, sipas një raporti të Komisionit Europian që pritet të publikohet sot pasdite.
Në nëntor 2016, komisioni u bëri thirrje rrjeteve sociale si Facebook, Twitter dhe Google Plus për t’u ofruar përdoruesve standardet e tyre të mbrojtjes në përputhje me rregullat e BE-së.
Apeli i KE-së u ndoq nga një takim në mars të vitit të kaluar.
“Por, Twitter dhe Facebook kanë dështuar në plotësimin e standarteve që duhet t’u ofrohet përdoruesve”, pritet të thotë sot komisioni.
”Sidomos, Twitter vazhdon të ndryshojë kushtet e përdorimit pa njoftuar përdoruesit, ndërsa të dy Facebook dhe Twitter fshijnë përmbajtjet e ngarkuara nga përdoruesit pa i informuar ata”, sipas komisionit.
Ndërkohë që, sipas komisionit, Google Plus ka arritur të bëjë ndryshimet e kërkuara.
Ekzekutivi i Bashkimit Europian nuk mund të vendosë sanksione, sepse 28 shtetet anëtare të bllokut janë individualisht përgjegjës për zbatimin e rregullave të mbrojtjes së përdoruesit.
