Pas më shumë se katër vjetësh kur Facebook mori WhatsApp, njëri nga bashkëthemeluesit e shërbimit të popullarizuar për shkëmbimin e mesazheve vendosi të largohet nga gjiganti në fushën e rrjeteve shoqërore.
Jan Koum, bashkëthemelues i WhatsApp, ka bërë të ditur vendimin e tij në Facebook.
Ekspertët pohojnë se arsyeja e largimit të tij nga kompania është “dallimi i madh kulturor”.
Sipas pohimeve, Koum nuk pajtohet me praktikën e Facebook dhe përpjekjet për të përdorur të dhënat e përdoruesve.
Koum do të largohet edhe nga pozita e bordit të drejtorëve të Facebook.
Ai nuk ka bërë të ditur planet e tij, duke thënë se do t’iu përkushtohet gjërave, të cilat i pëlqen dhe të cilat nuk janë teknike.