Gjatë 24 orëve të fundit, një aplikacion misterioz, redaktor i videove, u instalua në shumicën e kompjuterëve me Windows 10 pa lejen e askujt.
Ky aplikacion është një krijim i Microsoft dhe nuk është aspak një aplikacion i ri. Kjo duket si një shkurtesë themelore për veçoritë e edicionit të videos në aplikacionin Windows 10 Photos. Nuk ka pasur asnjë arsye zyrtare për këtë lansim, ndonëse një motivues i mundshëm është se shumica e përdoruesve të Windows 10 nuk janë në dijeni se ka mjete për redaktimin e videos në aplikacionin Photos. Kjo është e kuptueshme pasi që shumë pak njerëz do të mendonin të hapnin një aplikacion fotosh për redaktimin e një videoje. Nuk është saktësisht një zgjedhje intuitive.
Një dobi e këtij aplikacioni të ri është që të mund të lidhet me menunë Start për qasje të lehtë. Sigurisht, gjithkush mund të vazhdojë të hapë aplikacionin Photos dhe të navigojë në veglat e redaktimit si zakonisht.
