Time Watched, tipari i ri në Youtube që tregon sa kohë shpenzoni duke shikuar video

Teknologji

Time Watched, tipari i ri në Youtube që tregon sa kohë shpenzoni duke shikuar video

Më: 28 gusht 2018 Në ora: 12:08
Time Watched

Kompanitë e mëdha të teknologjisë si Google dhe Apple janë në mënyrë të ngadaltë por të sigurt duke kuptuar se njerëzit janë të varur nga telefonat e tyre – dhe se nuk është gjë e mirë.

Të dy kompanitë po sjellin karakteristika që synojnë t’i ndihmojnë njerëzit të gjurmojnë sa kohë kalojnë në pajisjet e tyre – dhe përpjekja më e fundit nga Google për të ndihmuar njerëzit të përcjellin përdorimin e tyre vjen në formën e një seksioni të ri “Kohëzgjatja” në aplikacionin YouTube, integrim me tiparin Digital Wellbeing të Android.

Në sektorin Time Watched të aplikacionit YouTube, i cili është i disponueshëm në të dyja versionet e iOS dhe Android të aplikacionit, mund të shihni se sa kohë keni kaluar duke shikuar videot në atë ditë të veçantë, ditën e parë dhe në 7 ditët e kaluara.

Ju gjithashtu do të merrni një mesatare ditore. Statistikat nuk rrjedhin vetëm nga koha e kaluar duke shikuar videot në telefon – kur shikoni videot në YouTube dhe jeni të kyçur në llogarinë tuaj të Google nga një komputer, të dhënat do të llogariten në statistikat. Megjithatë, YouTube Music dhe YouTube TV nuk janë të përfshira.

“Qëllimi ynë është që të japim një kuptim më të mirë të kohës së kaluar në YouTube, kështu që mund të marrësh vendime të informuara se si dëshiron që YouTube të përshtatet më së miri në jetën tënde “, tha Google në postimin në blog-un e tyre.

Për të gjetur menunë Time Watched në aplikacionin YouTube, thjesht drejtohuni te menyja e Llogarisë (Account) duke klikoni në figurën tuaj të profilit në këndin e sipërm të djathtë. Pastaj klikoni opsionin Time Watched, dhe ju duhet të jeni në gjendje të shihni statistikat tuaja.

Google po premton gjithashtu se Digital Wellbeing në Android, e cila është aktualisht në beta, do të jetë në gjendje të lidhet me Time Watched në aplikacionin YouTube.

Sot mund të lexoni Shfletoni kopertinat