Dizajnet zyrtare të iPhone të ri – që pritet të lansohet më 12 shtator – janë zbuluar në internet. Pajisja do të quhet iPhone XS dhe do të vijë në dy madhësi të ndryshme: 5.8 inç dhe 6.5 inç.
Ajo gjithashtu do të shoqërohet nga një version i ri i Apple Watch i quajtur Series 4. Apple është vendosur të lansojë telefonin në një opsion të ri të ngjyrës së artë që nuk ka qenë i mundur më parë. Një telefon i tretë, më i lirë, që mund të quhet iPhone 9, mund të lansohet gjithashtu.
Dje, kompania dërgoi ftesa për anëtarët e përzgjedhur të medias me një unazë gjigande ari. Ngjarja do të mbahet në teatrin Steve Jobs brenda kampusit të Apple në Kaliforni.
Sipas 9to5Mac, të cilët morën imazhet e rrjedhura, emri është përfundimtar dhe Apple ka të ngjarë të bëjë telefonin e vet të ri të disponueshëm për blerje, para fundit të shtatorit. Ndërkohë, ne ende nuk dimë shumë për serinë e Apple Watch 4, përveç se Apple besohet të ketë zvogëluar kornizën dhe ka rritur madhësinë e ekranit me rreth 15%.
Pas njoftimit të ngjarjes më 12 shtator, aksionet e Apple arritën një nivel më të lartë se 228 dollarë. Por, modeli i vitit 2018 i Apple ka të ngjarë të jetë një vit i rifreskimit me përmirësime të vogla të performancës sesa ndonjë inovacion i madh.
