Fatkeqësisht ka ndërruar jetë në spitali gruaja 37 vjeçare që u aksidentua sot tek Unaza, pranë Arkivës së Shtetit.
Makina ka përplasur nënën e re bashkë me dy fëmijët e saj. Nga dëshmitarët në vendngjarje është mësuar se gruaja rreth 37 vjeç ka mbrojtur me trup fëmijët, duke i dalë para makinës dhe shpëtuar fëmijët e saj.
Viktima është identifikuar si Dhurata Prifti, ndërsa fëmijët e saj janë në spital por jashtë rrezikut për jetën.
Ajo ka qenë një qitëse me klubin Studenti dhe Tiranën në të kaluarën.
Dëshmitarët kanë treguar se skena e aksidentit ka qenë e tmerrshme. Drejtuesi i mjetit është larguar me shpejtësi.
Kalimtarët të rastësishëm kanë mbajtur fëmijët derisa ka mbërritur ambulanca. Duhet thënë se ata janë në gjendje të mirë, por nëna e tyre ndërroi jetë rreth një orë pas ngjarjes, në spitalin e Traumës.
Videot më poshtë janë siguruar nga Tv Klan që mbërriti menjëherë në vendin e ngjarjen. Në pamje shihet edhe momenti i transportit të të gruas në spital. Nuk është identifikuar ende shoferi që kreu askidentin fatal.
Autori i këtij shkeli mbi viktimën dhe u largua duke shtuar shpejtësinë.
Policia thotë se e ka indetifikuar drejtuesin e mjetit tip Benz. Ai quhet Dhimitër Onjela dhe mendohet se është nga Delvina. Të paktën në emër të tij rezulton mjeti me targa AA476 GL, Mercedes Benz ngjyrë gri, model C Class.
Dëshmitarët thonë se nëna shtyu para fëmijët kur pa makinën që lëvizte me shpejtësi ti afrohej. Ata kanë shpëtuar por janë tejet të traumatizuar. Ndërsa nëna e tyre nuk u mbijetoi plagëve, duke vdekur në spital.
