Paraditen e të hënës, në disa zona të Tiranës ka munguar energjia elektrike për shkak të dëmtimit të kabllove të tensionit të mesëm nga një firmë private.
Operatori i Shpërndarjes së Energjisë Elektrike ka njoftuar se dëmtimi ka ndodhur pranë fshatit SOS. Ajo ka shtuar se kjo linjë i përket fidrit të Selitës.
Ndërsa aktualisht pa energji janë zona e Liqenit të Thatë, Kopshti Botanik e të tjerë. Gjithashtu bëhet e ditur se punonjësit e OSHEE-së po punojnë për riparimin e dëmit të shkaktuar nga kompania private. Për këtë të fundit kanë nisur dhe procedurat ligjore përkatëse.