Pjesë e maratonës që do të mbahet nesër në Tiranë do të jenë jo vetëm qytetarët që kanë pasion vrapimin apo figura të njohura të botës së artit e politikës në vend, por edhe policët.
Vetë kreu i policisë bashkiake, Ermal Kapllani, ka shpërndarë disa foto të dy policëve bashkakë, që mesa duket nesër do të jenë pjesë e maratonës, e cila më së shumti ka një mision për të dhënë kontribute bamirësie.
Në të njëjtën kohë kreu i policisë bashkiake ka dhënë edhe sugjerimin e vet për të gjithë qytetarë që të shfrytëzojnë sa më shumë hapësirat e gjelbra të Liqenit, ku së fundmi është ndërhyrë edhe nga vetë bashkia duke rregulluar korsinë e vrapimit.
Në maratonë do të vrapojnë rreth 2500 vrapues nga 40 vende të ndryshme të botës që do të marrin pjesë në maratonën që do të mbahet të dielën.