Sheshi “Skënderbej” i Tiranës shpallet hapësira më e mirë publike në Evropë

Tirana

Sheshi “Skënderbej” i Tiranës shpallet hapësira më e mirë publike në Evropë

Më: 20 qershor 2018 Në ora: 22:39

Në Barcelonë ditën e sotme u nda çmimi Evropian për Hapësirën më të Mirë publike, i cili u fitua nga sheshi “Skënderbej” i Tiranës.

I pranishëm në Barcelonë ishte edhe kryetari i Tiranës, Erion Veliaj. Çmimi për sheshin “Skënderbej” u dha nga një juri ndërkombëtare.

Ishin 280 projekte në konkurrim nga 32 shtete evropianedhe vendi i parë u fitua pikërisht nga sheshi “Skënderbej”.

Juria Ndërkombëtare e Çmimit Urban të Hapësirës Evropiane përzgjodhi 25 punime si finaliste në mesin e 279 projekteve nga 32 vende evropiane. Çmimi Evropian për Hapësirën Publike Urbane organizohet nga Qendra për Kulturë Bashkëkohore të Barcelonës (ÇCB) dhe me partnerët: Muzeu Gjerman i Arkitekturës (Frankfurt); Muzeu i Arkitekturës Finlandeze (Helsinki); Muzeu i Arkitekturës dhe Dizajnit (Lubjanë); Fondacioni i Arkitekturës (Londër); Qyteti i Arkitekturës dhe Trashëgimisë (Paris) dhe Qendra e Vjenës e Arkitekturës Vjenë.

commentFirst article
Sot mund të lexoni Shfletoni kopertinat