Zhurmat në Tiranë, dy herë më të larta se normat e BE-së - Bota Sot
Zhurmat në Tiranë, dy herë më të larta se normat e BE-së

Tirana

E enjte, 15 nëntor 2018

Zhurmat në Tiranë, dy herë më të larta se normat e BE-së

Më: 19 tetor 2018 Në ora: 08:22
Ilustrim

Një monitorim i pavarur i zhurmave në qytetin e Tiranës për 2018, tregon diferencim të madh të vlerave nga matjet e vitit të kaluar te Agjencisë Kombëtare të Mjedisit.

Sipas raportit të realizuar nga Qëndresa Qytetare rezulton se niveli i zhurmës tek 21 Dhjetori është 97.5 decibel, ndërsa të dhënat e AKM tregojnë 64 decibel.

Kryqëzimi i 21 dhjetorit rezulton si zona më e zhurmshme e kryeqytetit, ku norma e zhurmave ka tejkaluar standardet e BE. Një nga burimet kryesore të zhurmave është trafiku i rënduar si dhe boritë e makinave.

Normativat sipas legjislacionit evropian janë 50 deri në 55 decibel, por Tirana është shumë larg kësaj vlere.

“Kemi këto rezultate që janë 72.8 mesatarja dhe 97.5 maksimalja. Pra, rreth 20 herë më të larta se normativa e lejuar”, thotë Migen Qiranxhi.

Prej vitesh duket se qytetarët e Tiranës e kanë pranuar jetesën me zhurmat, pavarësisht se shqetësimet që shkaktojnë ato janë serioze. Përveç humbjes së shpërqendrimit, bezdisjes, prishjes së gjumit teksa mban dritaret hapur apo vështirësisë së shpjegimit të mësimit në shkolla afër këtyre zonave problematike, zhurmat shkaktojnë dhe humbje të dëgjimit.

“Edhe sipas studimeve që janë kryer në periudhë vjetore shohim që rrethi i Unazës është më problematiku në të gjitha akset dhe kryqëzimet e tij, por edhe në zona të tjera që nga studimet tona vëmë re se që prej 2017 ku janë të dokumentuara monitorimet, po bën 11 vjet që jeton me zhurma mbi 20 decibel nga norma dhe si të thuash në fashën që kalon në dëmtime për qytetarët e vet”, shprehet Qiranxhi.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test