Të huajt pushime në Shqipëri, boom prenotimesh në korrik dhe gusht

Turizëm

Të huajt pushime në Shqipëri, boom prenotimesh në korrik dhe gusht

Më: 12 maj 2018 Në ora: 16:37
Ilustrim

Nëse keni programuar të pushoni këtë verë në bregdetin shqiptar dhe nëse ende nuk keni prenotuar, shanset për të gjetur një vend akomodimi janë zero. Këtë verë ka ndodhur fenomeni i prenotimeve të hershme nga të huajt që kryesisht e kanë kulturë të programojnë më herët pushimet e tyre edhe për shkak të çmimeve më të favorshme.

Të gjitha hotelet përgjatë bregdetit janë prenotuar përgjatë dy muajve korrik dhe gusht dhe vendin e parë e mbajën sërish çekët dhe polakët ndërsa risi këtë verë është se ka pasur shumë prenotime nga nordikët, si Finlanda e cila sjell charterin e parë këtë të dielë.

Sipas Shoqatës shqiptare të Turizmit, operatorët e huaj kanë përfituar nga çmimet e ulëta dhe bregdeti i bukur. Por ajo që mund të na penalizojë për vitete e tjera është se sipas shoqatës Shqipëria as këtë vit nuk ofron asnjë risi në shërbime.

Edhe pse nuk ka bregdetin më të bukur, Durrësi mbetet në top listën e prentoimeve për shkak të numrit të lartë të akomodimeve me shtretër që ai mudn të ofrojë, ndërsa Spilleja dhe Divjaka do të jetë risia e këtij viti.

Tur operatorët apelon bashkitë të investojnë në brendet e zonës, pasi kjo do të sjellë më shumë të ardhura.

 Një nga modelet që mund të ndryshojë është ofrimi i akomodimit dhe turizmit përgjatë gjithë vitit për turistët e huaj ose minimumi zgjatja e tij nga prilli deri në tetor.

Sot mund të lexoni Shfletoni kopertinat