Vlorë, arrestohet hajduti i çuditshëm... vidhte dyer!

Vlora

Vlorë, arrestohet hajduti i çuditshëm... vidhte dyer!

Më: 6 dhjetor 2017 Në ora: 17:31
Ilustrim

Policia e Vlorës ka mundur të vërë në pranga Maringlen Lalajn, i njohur ndryshe dhe si hajduti i dyerve.

29 vjeçari së bashku me shtetasin me inicialet A.B, i shpallur në kërkim nga policia, vidhte dyert e duraluminit në një sërë lagjesh të qytetit të Vlorës. Policia madje ka arritur të sekuestrojë 4 dyer të vjedhura nga Lalaj, i cili tashmë është në pranga.

Njoftimi:

Finalizohet Operacioni Policor i koduar ”ÇMONTIMI”, ku është arrestuar një shtetas dhe shpallet në kërkim bashkëpuntori i tij

Specialistët e Seksionit të Hetimit për Krimet në Komisariatin e Policisë Vlorë, kanë zhvilluar operacionin policor të koduar ”ÇMONTIMI”, ku e kanë finalizuar me kapjen dhe arrestimin e shtetasit :

Maringlen Lalaj, 29 vjeç, banues në Vlorë.

Shtetasi i mësipërm në bashkëpunim me shtetasin A.B., ( i cili është shpallur në kërkim), janë autor të vjedhjeve së disa dyerve (duralumin), të pallateve në lagjet ”Hajro Çakerri” dhe ”Pavarsia”, ngjarje të ndodhura në datat 2 dhe 5 Dhjetor 2017. Këta shtetas dyert e vjedhura i shisnin për qëllime perfitimi material.

Policia ka sekuestruar në cilësinë e provës materiale 4 (katër) dyer.

Po vijon puna për dokumentimin ligjor të aktivitetit kriminal te këtyre shtetasve.

Materialet hetimore iu referuan Prokurorisë së Rrethit Gjyqësor Vlorë për veprime të mëtejshme.

Sot mund të lexoni Shfletoni kopertinat