Policia e Vlorës ka bërë të mundur ditën e djeshme sekuestrimin e një sasie prej 77 kg kanabis sativa.
Lënda narkotike e llojit Cannabis Sativa e paketuar në 27 pako dhe e vendosur në çanta sporti, është gjetur në brendësi të mjetit tip ''Opel'', i cili drejtohej Renato Agalliu.
Blutë e Vlorës sqarojnë se pas peshimit përfundimtar, lënda narkotike ka rezultuar të jetë 77 kg, ndërsa ka vënë në pranga Renato Agalliu, 51 vjeç, banues në Fier.
Po ashtu, nga ana e policisë po punohet për identifikimin dhe kapjen e të tjerë shtetasve të implikuar në këtë veprimtari kriminale.
Materialet hetimore iu referuan Prokurorisë së Rrethit Gjyqësor Vlorë, në ngarkim të shtetasit të mësipërm për veprime të mëtejshme.
