Xhudistja e kombëtares së Kosovës, Loriana Kuka (- 78 kg), sot mbetet pa medalje në garën Grand Slam në Baku të Azerbajxhanit megjithatë ka fituar 260 pikë të reja olimpike.
Selektori i kombëtares së Kosovës, Driton Kuka, ka disa fjalë për xhudistet.
“Baku Grand Slam përfundoj me paraqitje të shkëlqyeshme të Norës dhe me medaljen e saj të rëndësishme drejt Paris 2024!
Ajo me përkushtimin e saj dhe seriozitetin po mbetet në lojë serioze për medalje tutje në çdo garë e pse jo edhe medalje tjetër Olimpike!
Loriana sot e 7-ta fitoj dy e pësoj dy herë fitoj 260 pikë dhe gjasat janë reale për kualifikim në Lojëra Olimpike, por duhet shumë punë deri te ndonjë rezultat atje,mbetet të shihet.
Dje garuan Laura e Dardani.
Dardani po avancon tutje me performancë dhe ai do ngjitet dita dites drejt sukseseve të mëdha.
Laura e 7 në kategorinë e saj ku realisht do duhej të fitoj medalje,por luftoj pa motiv të duhur për medalje dhe kriza e saj tashmë po më shqetëson seriozisht!
Të luftosh në gara të mëdha është dhe duhet të jetë nder e përgjegjësi!
Janë ndërtuar tri Kampione Olimpike në ekipin tim por me garuese që dalin dhe luftojnë deri në atomin e fundit,dhe kjo është me rëndësi.
Në fakt mua si trajner më duhen luftëtar të pakompromis!
Do vazhdoj të punoj drejt medaljes Olimpike në Paris2024 por me garues që e dojnë dhe luftojnë për medalje.
Dua të besoj që 5 garuesit tonë që janë kualifikuar për Lojëra Olimpike do jenë me zemër e shpirt, luftëtar e jo ndryshe drejt medaljes Olimpike”, ka shkruar Kuka në profilin e tij në facebook.
