Alvin Karaqi është një fitore larg fitimit të medaljes së bronztë në Premier Ligën e karatesë, që po mbahet në Rabat të Marokut.
Karateisti ynë, në kategorinë -84 kg, e nisi keq garën, duke u mposhtur nga egjiptiani, Ahmed Elmasry, por përmes repesazhit shënoi dy fitore, ndaj francezi Grillon Kenji dhe spanjollit, Pablo Arena. Në luftën për medaljen e bronztë garon me ukrainasin, Valerii Chobotar.
Nga garuesit tjerë, Adelina Rama dhe Diellza Dragusha u ndalën në luftën e parë, ndërsa Fortesa Orana në të dytën. I pafat ishte edhe Herolind Nishevci, që po ashtu sot u mund në luftën e dytë.