Akili i artë

Xhudo

Akili i artë

Më: 28 korrik 2018 Në ora: 18:02
Akil Gjakova

Akil Gjakova e ka nisur në mënyrën më të mirë misionin për të fituar normën Olimpike Tokyo 2020.

Xhudisti ynë fitoi medaljen e artë në Grand Prixin e xhudos, që po mbahet në Zagreb të Kroacisë.

Gjakova arriti të triumfojë ndaj medalistëve Olimpikë, për t’u ngjitur në podium me të artën në qafë, kategoria -73 kilogramë. Akili në finale mposhti kampionin Olimpik nga Lojërat Olimpike RIO 2016, kategoria -66 kg, italianin Fabio Basile.

Në gjysmëfinale, garuesi ynë u përballë me medalistin e argjendtë nga RIO 2016, Rustam Orujov i Azerbajxhanin, të cilin e mposhti me një Ippon mjeshtëror.

Në përgjithësi, Akili fitoi pesë luftëra. Ai doli i pari në një konkurrencë prej 56 garuesve.

Kujtojmë që kjo garë vlente për të fituar pikë për normën Olimpike Tokyo 2020.

Të premten, motra e Akilit, Nora Gjakova doli e pesta në kategorinë -57 kg, kurse Distria Krasniqi, garoi në kategorinë -48 kg dhe u ndalë në raundin e dytë nga fituesja e medaljes së artë, Daria Bilodid.

Sot mund të lexoni Shfletoni kopertinat