Në kuadër të qëndrimit në Kosovë pata nderin dhe respektin në shoqëri me veprimtarët Mirash Hajdaraj, Ali Basha dhe Prof. Qerim Kastrati që të vizitoj mikun tim veprimtarin dhe humanistin- ish koordinatorin e Shoqatës bëmirëse" Nënë Tereza" me seli në Litau të Lucernit z. Marjan Pnishi.
Me Marjanin i cili është kthyer në Kosovë dhe tani jeton në Meje të Gjakovës, evokuam kujtimet më të mira që kishim për kohën e para luftës dhe gjatë luftës në të cilën Dega e LDK-së në Zvicër kishte një bashkëpunim shumë të frytshëm dhe intenziv. Janë kujtime që vështirë mund të shlyen sepse bazamentin e kanë te bashkëpunimi i sinqert dhe i pa hile që kishte për qëllim grumbullimin, sistemimin dhe dërgimin e ndihmave për qytetarët shqiptar të ndjekur nga dhuna e soldateskës serbe, të cilët ishin strehuar në Shqipëri, Maqedoni dhe Mal të zi për nevojat e mëdha që kishin gjatë kësaj kohe, si dhe dërgimin e mjetëve materiale për ushtarët që luftonin për çlirimin e Kosovës nga thundra e okupatorit serb. Ky bashkëpunim tregon përkushtimin e mërgimtareve tanë në Zvicër që sikurse dikur që ishin forcë e zëdhenies së idealeve çlirimtare, edhe sot po bën përpjekje për të nderuar vlerat më të mira të gardës rugoviane, që, ishin, janë dhe do të jenë gjithmonë gurthemeli i shembullit si luftohet për popull e atdhe dhe si duhet punuar per bërjen e shtetit. Por, edhe tani duhet të punojmë më fuqishëm për ndërtimin e shtetit dhe respektimin e institucioneve shtetërore duke i luftuar edhe denoncuar keqpërdoruesit dhe korrupcionin. Sepse këto të fundit janë shprehi që ja zënë frymën shtetit.
Njëherit në emër të Degës së LDK-së në Zvicër, në shenjë mirënjohje, nderimi dhe respekti për Kontributin e z. Marjan Pnishi në dobi të çështjës kombëtare dhe të mirësisë humanitare, i dorëzova një Mirënjohje e ndarë në kuadër të shënimit të 26 vjetorit të themelimit të Degës së LDK-së në Zvicër.
Në fund të vizitës z.Marjan Pnishi u falënderua shumë për vizitën, respektin dhe Mirënjohjen, duke theksuar se; " Unë ruaj kujtimet më të mira ndaj Degës së LDK-së në Zvicër dhe mërgimtarëve në veçanti si dhe bashkëpunimin shumë korrekt dhe të sinqert të kësaj dege me Shoqatën bëmirëse "Nënë Tereza" në Zvicër".
