Komisioni Libian për të Drejtat e Njeriut tha se një grup i armatosur ka rrëmbyer 14 punëtorë nga Tunizia pranë Tripolit.
Ata u rrëmbyen ndërsa punonin në rafinerinë e naftës në Zavia, në perëndim të Libisë.
Rrëmbyesit, një grup i armatosur, emri i të cilit nuk është shpallur, kanë kërkuar lirimin e një të burgosuri libian në Tunizi për kontrabandën e drogës.
Ministria Tuniziane e Punëve të Jashtme njoftoi se punëtorët u rrëmbyen të enjten.
Në Libi mbretëron kaos që nga vrasja e liderit Moamer el-Gaddafi, në vitin 2011.
