Shpërthimi i ri i Ebolës në Afrikë - "i frikshëm" - Bota Sot
Shpërthimi i ri i Ebolës në Afrikë - "i frikshëm"

Afrika

Shpërthimi i ri i Ebolës në Afrikë - "i frikshëm"

Më: 13 qershor 2019 Në ora: 08:51
Një punëtor shëndetësor në Kongo ka të veshur rrobat mbrojtëse kundër virusit Ebola.

Udhëheqësi i një organizate bamirëse mjekësore tha se shpërthimi i fundit i Ebolës në Afrikën qendrore "është vërtet i frikshëm".

Gati 1,400 vetë kanë vdekur në Republikën Demokratike të Kongos, që nga rasti i parë me Ebola në këtë vend, që është shfaqur gushtin e kaluar.

Jeremy Farrar, drejtor i organizatës kërkimore Wellcome Trust, me seli në Londër, tha se epidemia është më e keqe se ajo e periudhës 2013-2016 dhe se nuk tregon "shenja të ndalimit"

"Republika Demokratike e Kongos nuk duhet të përballet e vetme me këtë", tha ai.

Ebola është një virus që fillimisht shkakton ethe, dobësi, dhimbje të muskujve dhe dhimbje të fytit.

Pacientët e prekur mund të vdesin nga dehidrimi dhe dështimi i disa organeve.

Shpërthimi më i madh që ka ndodhur në Afrikën Perëndimore më 2013-2016, ka prekur 28,616 njerëz, kryesisht në Guinea, Liberi dhe Siera Leone.

Atëbotë janë raportuar 11,310 vdekje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...