Koronavirusi nuk kursen as Afrikën, vazhdon shtrirja e tij - Bota Sot
Koronavirusi nuk kursen as Afrikën, vazhdon shtrirja e tij

Afrika

Koronavirusi nuk kursen as Afrikën, vazhdon shtrirja e tij

Më: 1 prill 2020 Në ora: 10:21
Ilustrim

Burundi dhe Siera Leone janë bërë vendet e fundit afrikane që kanë raportuar rastet e para me koronavirus.

Më herët, ekspertët shëndetësorë kanë shprehur dyshime ndaj deklaratave të Burundit për asnjë rast, por presidenca e këtij vendi ka thënë se Burundi është përjashtim sepse e ka vënë “Zotin në vend të parë”.

Tani, zyrtarët atje thonë se dy shtetas kanë dalë pozitivë në testet për koronavirus, pasi janë kthyer nga Ruanda dhe Dubai. Në Siera Leone, një burrë 37 vjeç, i cili është kthyer nga Franca, është diagonostikuar me koronavirus.

Qeveria atje ka thënë se, tash për tash, nuk do t’i izolojë qytetarët, por ka shpallur gjendje emergjente për shëndetin publik. Në gjithë Afrikën janë mbi 5,400 raste të konfirmuara me koronavirus, ndërsa 172 pacientë kanë humbur jetën.

Shfaq komentet
comments powered by Disqus
Sot mund të lexoni Shfletoni kopertinat