Lesoto ka shënuar sot rastin e parë me koronavirus. Ky shtet i vogël, i rrethuar në të gjitha anët nga Afrika e Jugut, ishte i vetmi në Afrikë pa raste me koronavirus, njoftoi Guardian.
Sipas Ministrisë së Shëndetësisë të këtij vendi, një person që u kthye nga jashtë ka rezultuar pozitiv, ndonëse nuk kishte simptoma.
Numri i të prekurve me COVID-19 është relativisht i vogël në Afrikë, por ai po rritet dhe Organizata Botërore e Shëndetësisë ka paralajmëruar se mund të ketë një katastrofë në këtë kontinent në rast se nuk merren masat.
Deri më tash, në të gjithë kontinentin janë infektuar gati 72 mijë veta, ndërkohë mbi 2.400 kanë vdekur si pasojë e koronavirusit.
