Sekretari i Përgjithshëm i KB Antonio Guterres ka bërë thirrje për mbylljen e qendrave të paraburgimit të migrantëve në Libi, duke denoncuar ato që ai i quajti shkelje të të drejtave të kryera atje, raporton France24.
Në një raport të paraqitur të enjten në Këshillin e Sigurimit të KB, Guterres tha: "Asgjë nuk mund të justifikojë kushtet e tmerrshme në të cilat arrestohen refugjatët dhe migrantët në Libi."
"Unë rinovoj apelin tim për autoritetet libiane ... për të përmbushur detyrimet e tyre sipas ligjit ndërkombëtar dhe për të mbyllur të gjitha qendrat e paraburgimit, në koordinim të ngushtë me njësitë e Kombeve të Bashkuara," tha ai.
Sipas raportit të sekretarit të përgjithshëm, më shumë se 2,780 njerëz po mbaheshin të arrestuar që nga 31 korriku në qendrat anembanë Libisë. Njëzet e dy përqind e të arrestuarve ishin fëmijë.
