Shërbimi i Parkut Kombëtar në Ugandë po përballet me një kërkesë për dëmshpërblim prej 270 milion dollarësh nga familja e një aktivisteje për të drejtat e grave të cilës iu pre koka aksidentalisht nga një portë metalike e pasigurt në Parkun Kombëtar Utah’s Arches në qershor të këtij viti.
Të sapomartuarit Esther Nakajjigo, 25 vjeç dhe Ludovic Michaud, 26 vjeç, vizituan parkun gjatë një udhëtimi kur një portë metalike, e shtyrë nga erërat e forta, u copëtua anash makinës së tyre “si një thikë e nxehtë përmes gjalpit” thuhet në kërkesën e paraqitur.
Porta fatmirësisht nuk e dëmtoi bashkëshortin e viktimës i cili tani kërkon pak më shumë se 240 milion dollarë dëmshpërblim. Nga ana tjetër prindërit e Nakajjigo po kërkojnë 30 milion dollarë.
Shërbimi i Parkut Kombëtar dhe Parku Kombëtar Arches janë akuzuar për mos sigurimin e portës, e cila ishte instaluar për tu lëkundur në drejtim të gabuar dhe po mbahej e hapur nga një “skedë metalike” që ishte “konsumuar dhe rrumbullakosur”, thotë pretendimi.
Avokatja Deborah Chang, i cili paraqiti kërkesën në emër të prindërve të Michaud dhe Nakajjigo, shkroi se punonjësit e dinin ose duhej ta dinin se erërat e forta janë sigurisht aq të forta sa të rrëzojnë një portë prej metali të papërmbajtur në shtegun e një automjeti që po afrohet. Ky i fundit planifikon të nisë një proces gjyqësor zyrtar nëse kërkesa refuzohet.
