Shkon në mbi 2,39 milionë numri i rasteve me COVID-19 në kontinentin e Afrikës

Afrika

Shkon në mbi 2,39 milionë numri i rasteve me COVID-19 në kontinentin e Afrikës

Më: 14 dhjetor 2020 Në ora: 08:03
Foto ilustrim

Numri i të infektuarve me koronavirusin e ri (COVID-19) në kontinentin e Afrikës ka shkuar në mbi 2 milionë e 390 mijë, transmeton Anadolu Agency (AA).

Gjithsej 2.393.061 persona deri më tani kanë rezultuar pozitiv me virusin në mbarë kontinentin, pasi në 24 orët e fundit janë infektuar edhe 16.320 persona, sipas faqes së internetit "Worldometer", e cila përpilon të dhënat mbi pandeminë.

Ndërkaq, numri i të vdekurve si pasojë e pandemisë ka arritur në 55.346, me një rritje prej 428 viktimash në 24 orët e fundit.

Shifra më e lartë e viktimave është regjistruar në Afrikën e Jugut me 23.106 të vdekur, pasuar nga Egjipti me 6.920 dhe Maroku me 6.624.

Në Sejshelle dhe Eritre nuk është raportuar asnjë vdekje.

Për sa i përket numrit të të infektuarve, ai ka arritur në 860.964 në Afrikën e Jugut, ndërsa pas saj radhiten Maroku me 399.609 raste dhe Egjipti me 121.575.

Deri më tani, 2.023.832 persona të infektuar janë shëruar.

commentFirst article
Sot mund të lexoni Shfletoni kopertinat