Gjuetari i rinocerontëve shkelet për vdekje nga elefantët teksa i shpëtonte rojeve në rezervat

Afrika

Gjuetari i rinocerontëve shkelet për vdekje nga elefantët teksa i shpëtonte rojeve në rezervat

Më: 19 prill 2021 Në ora: 21:55
Foto ilustrim

Një gjuetar ilegal është shkelur për vdekje nga një tufë elefantët teksa i shpëtonte rojeve të botës së egër në parkun kombëtar Kruger në Afrikën e Jugut.

Trupi me plagë të rënda i gjuetarit të dyshuar të rinocerontëve u gjet në pjesën jugore të parkut, ku besohet se ishte në gjueti me dy njerëz të tjerë para se të zbuloheshin nga rojet e rezervatit që u vunë në ndjekje të tyre.

Duke përdorur helikopterët dhe qentë nuhatës, rojet kishin ndaluar një prej shkelësve i cili tha se besonte se të tjerët mund të ishin vrarë kur hasën një tufë elefantësh me të vegjëlit e tyre.

Bashkë me trupin e viktimës zyrtarët gjetën dhe një çantë me një pushkë, një sëpatë dhe objekte të tjera. Përfaqësuesi i parkut kombëtar Kruger, Gareth Coleman, tha: “Jemi krenarë për punën e grupit tonë, të aviatorëve dhe njësisë K9. Është për të ardhur keq që u desh të humbiste një jetë, pro me disiplinën dhe punën në grup kemi arritur të ndalojmë valën e gjuetisë ilegale të rinocerontëve në parkun tonë”.

Coleman shtoi: “Fushata kundër gjuetisë ilegale është një përgjegjësi për të gjithë ne pasi kërcënon ushqimin e njerëzve, shkatërron familje dhe merr burime të rëndësishme që mund të përdoren për krijimin e vendeve të punës dhe zhvillimit”.

commentFirst article
Sot mund të lexoni Shfletoni kopertinat