Yahya Jammeh, presidenti për 22 vjet i Gambisë, ka pësuar humbje të papritur në zgjedhjet presidenciale të vendit.
Ai ka humbur ndaj Adama Barrow, i cili fitoi më shumë se 45 për qind të votave. Pas fitores, Barrow, tha se tani është “një Gamiba e re”.
Jammeh, që erdhi në pushtet me anë të grusht shtetit në vitin 1994, nuk ka folur ende publikisht për humbjen e tij.
Shteti i Afrikës Perëndimore, nuk ka pasur ndonjë transferim të qetë të pushtetit që nga pavarësia nga Britania e Madhe në vitin 1965.