Buxheti 2019: Vetëvendosje alarmon që qeveritarët do të paguhen dy herë më shumë

Aktuale

Buxheti 2019: Vetëvendosje alarmon që qeveritarët do të paguhen dy herë më shumë

Më: 21 dhjetor 2018 Në ora: 17:08
Lëvizja Vetëvendosje

Lëvizja Vetëvendosje, përmes një reagimi për media ka kritikuar mungesën e vullnetit të Qeverisë për të rritur pagat për punëtorët shëndetësorë.

Në njoftim thuhet se Qeveria e Kosovës, Kryeministri dhe ministri Shëndetësisë ia kanë rritur pagat 100% vetes para një viti.

“Edhe pse disa herë kanë premtuar se do të marrin parasysh rritjen e pagave për sektorin e shëndetësisë, pra mjekët e punëtorët shëndetësorë në tërësi ende sot nuk ka asnjë shenjë në atë drejtim. Edhe në projektligjin për paga mjekët specialistë, farmacistët, infermierët dhe mjekët familjarë ishin vendosur tepër ultë në hierarkinë e pagave të punëtorëve në sektorin publik”, thuhet në njoftim.

Ja reagimi i plotë:

NË PROJEKTBUXHETIN 2019 NUK PËRFSHIHET RRITJA E PAGAVE PËR PUNËTORËT E SHËNDETËSISË

Qeveria e Kosovës, Kryeministri dhe ministri Shëndetësisë ia kanë rritur pagat 100% vetes para një viti. Edhe pse disa herë kanë premtuar se do të marrin parasysh rritjen e pagave për sektorin e shëndetësisë, pra mjekët e punëtorët shëndetësor në tërësi ende sot nuk ka asnjë shenjë në atë drejtim.

Edhe në projektligjin për paga mjekët specialistë, farmacistët, infermierët dhe mjekët familjarë ishin vendosur tepër ultë në hierarkinë e pagave të punëtorëve në sektorin publik.

Me iniciativë të deputetëve, edhe të Lëvizjes VETËVENDOSJE! u dërgua amendament për t’i rritur koeficientët për ta.

Por në Projektbuxhetin 2019 i cili është katandisur si libri i pagave të qeveritarëve, e jo i qytetarëve e profesionistëve të Kosovës në sektorin publik, nuk është përfshirë asnjë rritje pagash për sektorin e shëndetësisë.

Është alarmante që në vendin tonë një këshilltar i ministrit apo i kryeministrit apo një zëvendës ministër të paguhet disa herë më shumë se një kirurg.

Këto ditë është duke u zhvilluar grevë në klinikat e kirugjisë në Qendrën Klinike Universitare. Sot janë në ditën e pestë të kësaj greve, ku si pasojë nuk po kryhet asnjë operacion përveç rasteve urgjente dhe ambulancat specialistike po ashtu nuk po japin shërbime.

Kërkesat e tyre jo vetëm që janë të drejta por janë minimale. Jo vetëm rritja e pagës për ta por edhe rregullimi imediat i kushteve të punës në sallat e operacioneve është urgjent.

Teksa planifikohet që për zyrat e Kryeministrit, 750 mijë eurosh, dhe ndërtim të ndërtesës së Zyrës së Presidentit prej gjysmë milioni eurove.

E ndërsa pagat e mëditje te Zyra e Presidentit dhe Kryeministrit në vlerë prej 5.9 milionë euro, si dhe 12.6 milionë euro të dedikuara për mallra dhe shërbime.

Mbështësim grevën e qëndrimin e kirurgëve. Po ashtu mbështesim grevën e punëtorëve të shëndetësisë, të organizuar nga Federata e Sindikatave të Shëndetësisë.

Bëjmë thirrje për solidarizim edhe të punëtorëve të tjerë të sektorit publik.

Një qeveri e papërgjeshme nuk zmbrapset pa presionin shoqëror.

Komiteti për Shëndetësi
Lëvizja VETËVENDOSJE!

commentFirst article
Sot mund të lexoni Shfletoni kopertinat