Politologu Shkëlzen Gashi, i cili është duke punuar për krijimin e Muzeut për Krimet e Luftës në Kosovë gjatë vitit 1998-1999, konkretisht për prezantimin e masakrës së Mejës, ka befasuar me të gjeturat për këtë masakër.
Në masakrën e Mejës, janë vrarë gjithsej 372 civilë shqiptarë, nga forcat paramilitare serbe.
Befasia për këtë masakër është se aty ishin përfshirë edhe disa shqiptarë, sipas Gashit.
Gashi, ka treguar emrat e shqiptarëve të cilët në këtë masakër ishin të përfshirë.
“Nikë Peraj, oficer i Ushtrisë së Jugosllavisë deri më 10 qershor 1999. Dëshmoi kundër Milošević-it në Hagë.
Naser Arifaj, polic serb në Gjakovë. U vra nga UÇK-ja gjatë luftës.
Muharrem Ibraj, komandant i policisë serbe në Gjakovë. Interpoli e kërkon për Masakrën e Mejës.
Sahit Halitaj, bashkëpunëtor i policisë në Masakrën e Mejës. EULEX-i ngriti aktakuzë kundër tij”, shkruan Gashi në Facebook, transmeton gazeta “Bota sot”.
Ja shkrimi i plotë i politologut Gashi:
Duke punuar për krijimin e Muzeut për Krimet e Luftës në Kosovë 1998-1999, konkretisht për prezantimin e Masakrës së Mejës, në të cilën ishin vrarë gjithsej 372 civilë shqiptarë, u befasova që në kryerjen e kësaj masakre ishin përfshirë edhe disa shqiptarë:
Nikë Peraj, oficer i Ushtrisë së Jugosllavisë deri më 10 qershor 1999. Dëshmoi kundër Milošević-it në Hagë.
Naser Arifaj, polic serb në Gjakovë. U vra nga UÇK-ja gjatë luftës.
Muharrem Ibraj, komandant i policisë serbe në Gjakovë. Interpoli e kërkon për Masakrën e Mejës.
Sahit Halitaj, bashkëpunëtor i policisë në Masakrën e Mejës. EULEX-i ngriti aktakuzë kundër tij.