Shkëmb Manaj, djali i Shaban Manajt, ka thënë se Izet Demaj në kohët me të vështira gjithmonë ishte afër babait tim, afër Fadil Feratit, të Haki Rugovës e edhe të presidentit historik Ibrahim Rugovës.
Ai përmes një postimi në Facebook ka thënë se Izet Demaj e ka kryer detyrën me përkushtim në detyrë 24 orë, edhe jashtë orarit të rregullt të punës.
Postimi i plotë:
Kur njeriu sakrifikon jetën e tij në mbrojtje të qytetarëve dhe pronës së tyre -Ai mbetet gjithmonë në kujtesën e tyre. Izet Demaj ishte i tillë!
Kur polici e kryen detyrën e Tij me përkushtim, në detyrë 24 orë, edhe jashtë orarit të rregullt të punës, Ai e din rolin e tij. Izet Demaj ishte i tillë !
Ai në kohët me të vështira gjithmonë ishte afër babait tim Shaban Manaj, afër Fadil Feratit, të Haki Rugoves e edhe të Ibrahim Rugovës.
Ai ra për të mos vdekur kurrë. Nga sot, Ai mban epitetin e Heroit të Kosovës.
Zoti e bekoftë Izet Demajn.
Familjes Demaj, Vrellës, Istogut dhe gjithë miqve të Tij anë e mbanë Kosovës, Zoti ua dhashtë forcën për të përballuar këtë humbje të madhe.