Qeveria me vendim për taksë të re ndaj Serbisë

Aktuale

Qeveria me vendim për taksë të re ndaj Serbisë

Më: 28 dhjetor 2018 Në ora: 17:16
Qeveria e Kosovës

Qeveria e Kosovës, në mbledhjen e sotme ka vendosur t’i shqyrtojë propozimet për masa të reja ndaj Serbisë, të cilat edhe janë aprovuar.

Prej sot në Kosovë nuk do të mund të hyjë pa iu nënshtruar taksës 100 përqind asnjë lloj malli nga Serbia, pavarësisht vendit të origjinës.

Këtë vendim Qeveria e Kosovës e ka marrë pas kërkesës të ministrit të Tregtisë dhe Industrisë, Endrit Shalës, në mënyrë që masa prej 100 përqind të trajtojë njëlloj të gjitha kompanitë.

Ministri Shala u shpreh se kanë sugjerim nga të gjithë miqtë që të trajtojnë në mënyrë të barabartë të gjitha kompanitë.

“MTI dëshiron që të jetë e barabartë për të gjitha kompanitë, për këtë MTI kërkon heqjen e listës, e cila do të hyjë në fuqi më 1 janar të vitit 2019”, tha ai.

Kurse, kryeministri Ramush Haradinaj tha se ajo që është e papranueshme është letra e kryeministres serbe, Ana Bernabiq, e cila kërkon që vendet që kanë njohur Kosovën të tërheqin njohjen.

Sipas tij, kjo është e papranueshme.

commentFirst article
Sot mund të lexoni Shfletoni kopertinat