Hotit nuk i pëlqeu që Mushkolaj tha se LDK-ja është e paqartë në raport me dialogun - Bota Sot
Hotit nuk i pëlqeu që Mushkolaj tha se LDK-ja është e paqartë në raport me dialogun

Aktuale

Hotit nuk i pëlqeu që Mushkolaj tha se LDK-ja është e paqartë në raport me dialogun

Më: 3 janar 2019 Në ora: 22:20
Avdullah Hoti

Analisti Imer Mushkolaj, tha sot se LDK-ja dhe përfaqësuesit e saj politikë duhet të jenë të qartë dhe të tregojnë se duan apo jo që të marrin pjesë në Ekipin Negociator.

Kjo pasi LDK-ja, kundërshton vazhdimisht pjesëmarrjen në këtë ekip, por numri dy i LDK-së, nënkryetari Lutfi Haziri, i dha kushtet e kësaj partie për t’u bërë pjesë e dialogut.

Mushkolajt, i është kundërpërgjigjur Shefi i GP-së të LDK-së, Avdullah Hoti.

“Nuk është problem i LDK-së pse z.Imer Mushkolaj nuk do, sepse nuk besoj që nuk di, ta lexoj qëndrimin e LDK-së ndaj procesit të dialogut. Ne jemi të qartë. Paqartësia e ka adresë tek koalicioni PAN dhe Presidenti. Kot i drejtohet LDK-së. Nëse z.Mushkolaj do dhe guxon, ai duhet të kërkojë qartësinë te qeveria e pakicës, pa legjitimitet”, ka shkruar Hoti në profilin e tij zyrtar në Facebook.

“Ne nuk shkojmë në dialog pa mandat qytetarë. Dhe as nuk e mbështesim askënd që kërkon t’i bishtnojë mandatit qytetarë”, ka shkruar tutje.

Nënkryetari i Lidhjes Demokratike të Kosovës, Lutfi Haziri, tha për Radion Evropa e Lirë, se LDK-ja pavarësisht kërkesave të ndryshme që të jetë pjesë e dialogut, nuk ka ndryshuar mendje.

“Qëndrimi i LDK-së nuk ka ndryshuar asgjë nga takimi i fundit që ne kemi pasur me Kryesinë dhe Këshillin e Përgjithshëm të LDK-së. Pra, LDK-ja e ka ofruar platformën e saj për parimet e dialogut dhe mënyrën se si e sheh të kornizuar një dialog në vija të njëjta me parimet negociuese që grupi i Quint-it i ka miratuar në verën e vitit 2018. Dhe, ne legjitimitetin politik nuk mund t’ia japim [Qeverisë dhe Ekipit Negociator] sepse ai nuk falet, legjitimiteti politik ose fitohet me zgjedhje ose me marrëveshje politike”, theksoi Haziri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...