Ish-deputeti i Kosovës, Adem Salihaj në gjashtëmbëdhjetë vjetorin e vrasjes së kolonel Tahir Zemës thotë se, koloneli dhe shumë patriotë tjerë u vranë pas shpine nga ata që sot po mundohen t’ia japin Serbisë pjesët e tokës së Kosovës.
Përmes një shkrimi në Facebook, Salihaj thekson se, madhështia e këtyre patriotëve ishte e padurueshme për bashkëpunëtorët e Serbisë.
“Tahir Zemajn, Enisin dhe Hasanin, si dhe shumë luftëtarë e veprimtarë tjerë patriotë, i vranë pas shpine ata që sot po mundohet t'ia japin Serbisë pjesët e tokës së Kosovës.
Madhështia e këtyre patriotëve ishte e padurueshme për bashkëpunëtorët e Serbisë.
Lavdi kolonelit dhe të gjithë atyre, që u vranë nga dora tradhtare”, shkruan Salihaj, transmeton gazeta “Bota sot”.