Deputeti i Lëvizjes Vetëvendosje Rexhep Selimi e ka quajtur të rëndë vitin që sapo kemi lënë pas.
Në T7 ai ka shpjeguar se vitit 2018 ishte ‘vit i rëndë e me shumë kriza’.
Ai ka folur edhe për raportet e tij me kryeministrin Ramush Haradinaj, pasi thotë se falë veprimeve të tij i tillë ishte 2018.
Thotë se ishte befasuar me qëndrimin e kryeministrit për demarkacionin e Malit të Zi.
“Dështimi më i madh i kësaj qeverie është se ia humbi Kosovës territorin”, tha Selimi.
Njësoj thotë se ishte edhe koalicioni PAN.
E gjithë kjo thotë të ketë ndikuar në raportet politike publike në mes tyre.
Por një gjë e tillë a ka ndikuar edhe në raportet e tyre private?
“Ndikon pak, dorën në zemër”, shpjegoi Selimi.