Ish-mjeku i Ushtrisë Çlirimtare të Kosovës, Liri Loshi, ka komentuar përplasjet mes PDK-së dhe LDK-së.
Loshi në Facebook shkruan se sulmi i orkestruar i PDK-së ndaj LDK-së është një hap i qëllimshëm dhe perfid për ta margjinalizuar dhe (vetë)izoluar atë nga procesi i dialogut me Serbinë.
Sipas tij, LDK duhet të sillet në harmoni me vlerat tradicionale të saj, si parti e maturuar, e përgjegjshme dhe institucionaliste, dhe se mënyra më e mirë për t’i luftuar këto tendenca destruktive të PDK-së është vendimi politik për t’u bërë pjesë e dialogut
Ja shkrimi i tij në Facebook:
Sulmi i orkesteuar i PDK-së dhe i ndonjë sateliti të saj ndaj LDK-së është një hap i qëllimshëm dhe perfid për ta margjinalizuar dhe (vetë)izoluar atë nga procesi i dialogut me Serbinë. Megjithatë, LDK duhet të sillet në harmoni me vlerat tradicionale të saj, si parti e maturuar, e përgjegjshme dhe institucionaliste. Mënyra më e mirë për t’i luftuar këto tendenca destruktive të PDK-së është vendimi politik për t’u bërë pjesë e dialogut duke marrë përgjegjësi politike maksimale dhe mundësisht duke drejtuar vetë dialogun. Isa Mustafa dhe LDK duhet ta kuptojnë se shërbimi i LDK-së nuk i dedikohet PDK-së, por vetëm shtetit të Kosovës.