Kryeministri i Kosovës, Ramush Haradinaj, ka kujtuar bombardimet e Organizatës së Traktatit të Atlantikut Verior (NATO) në Kosovë.
Haradinaj ka thënë se bombardimet nga NATO’ja ishin kthesë e madhe në luftën e Kosovës.
“Ditët e bombardimeve kanë qenë shumë me rëndësi”, është shprehur ai, duke treguar se ka ndjekur rregullisht televizionet e huaja, si BBC dhe CNN, që raportonin vazhdimisht për luftën në Kosovë.
Haradinaj ka thënë se ka pasur satelit për ndjekjen e këtyre televizioneve. Ai ka thënë se ka pasur edhe telefon satelitor, me të cilin ka komunikuar jo vetëm me bashkëluftëtarët, por edhe me Perëndimim.
“Kemi provuar të komunikojmë me aleatët”, ka theksuar ai.
“Jo çdo herë ka funksionuar, jo çdoherë ka qenë e mundshme”, ka treguar Haradinaj.