Prokuroria merr vendim për personin që kërcënoi kryeministrin Haradinaj, ja detajet - Bota Sot
Prokuroria merr vendim për personin që kërcënoi kryeministrin Haradinaj, ja detajet

Aktuale

Prokuroria merr vendim për personin që kërcënoi kryeministrin Haradinaj, ja detajet

Nga: A.ZH Më: 12 janar 2019 Në ora: 19:37
Ramush Haradinaj

Kryeministri i Kosovës Ramush Haradinaj, është kërcënuar në rrjetet sociale, nga një person i maskuar.

Këtë e ka konfirmuar Prokuroria Speciale e Republikës së Kosovës, përmes një komunikate për media.

Prokuroria ka thënë se të pandehurit B.E. është caktuar masa e paraburgimit prej 30 ditësh, përcjell Bota sot.

Njoftimi i plotë i Prokurorisë:

Prokuroria Speciale e Republikës së Kosovës, ka pranuar një kallëzim nga Drejtoria Kundër Terrorizmit e Policisë së Kosovës, kundër të pandehurit B.E. për shkak të kryerjes së veprës penale “përgatitja e veprave terroriste ose veprave penale kudnër rendit Kushtetues dhe Sigurisë së Republikës së Kosovës, nga neni 144 paragrafi 1, lidhur me veprën penale kryerja e veprës terroriste nga neni 136 e 135 të KPRK-së.

I pandehur B.E.  gjatë fundit të vitit 2018 dhe në fillim të vitit 2019, është angazhuar në përgatitijen e akteve terroriste në Kosovë, ashtu që më 10 janar 2019, duke shfrytëzuar rrjetet sociale ka publikuar foto kërcënuese ndaj Kryeministrit të Republikës së Kosovës, Ramush Haradinaj, më mbishkrimin “Do t’ju vijë fundi o taguta shqiptar Bi’Idhnilah”, i bërë nga një person i maskuar, e në prapavijë shihet flamuri i organizatës terroriste ISIS.

Sipas kallëzimit penal, e gjithë kjo ka ndodhur me qëllim të frikësimit serioz të popullatës apo që seriozisht të destabilizoj strukturat themelore politike e Kushtetuese të Republikës së Kosovës.

Po ashtu, Policia e Kosovës, Drejtoria Kundër Terrorizmit në Prishtinë, ka bërë bastisjen e shtëpisë së të dyshuarit ku i është sekuestruar një “Iphone 6” pasi që i është gjetur një fotografi kërcënuese si dhe një thikë.

I pandehuri B.E, është ndaluar më datë 11 janar 2019, si dhe me kërkesë të Prokurorisë Speciale të Republikës së Kosovës, Gjykata Themelore në Prishtinë, Departamenti i Krimeve të Rënda, i ka caktuar masën e paraburgimit për 30 ditë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...