Kryeministri i Kosovës, Ramush Haradinaj, është zotuar se Qeveria e vendit, në vitin 2019 do të koncentrojë tërë potencialin e saj në intensifikimin e zhvillimit ekonomik.
Ai këto komente i bëri gjatë një takimi me Avdi Gecajn, përfaqësues i “Stone Castle”, e cila me brendet e saj, ka tejkaluar kufijtë e vendit.
“Biseduam për masat dhe veprimet institucionale në mbështetje të prodhuesve vendorë. Prodhuesit si “Stone Castle” janë në qendër të vëmendjes sonë dhe përkrahja e tyre, veçanërisht në vreshtari dhe verari, nuk do të mungojë asnjëherë”, porositi Haradinaj.
