Ministri i Punëve të Jashtme të Kosovës, Behgjet Pacolli, është takuar sot me presidentin e Forumit Crans Montana, Pierre Emannuel Quirin.
Përmes një postimi në Facebook, Pacolli ka njoftuar se gjatë takimit janë dakorduar për organizimin e Forumit prestigjioz botëror Crans Montana në Kosovë gjatë këtij viti.
Postimi i plotë:
Crans Montana Forum do të mbahet në Kosovë
Sot, zhvillova një takim produktiv me Presidentin e Forumit Crans Montana, z. Pierre Emannuel Quirin. Sipas idesë dhe propozimit tim jemi dakorduar për organizimin e Forumit prestigjioz botëror Crans Montana në Kosovë gjatë këtij viti. Kosova do të jetë nikoqire e kësaj ngjarje të madhe të nivelit ndërkombëtar.
