Deputeti i Lidhjes Demokratike të Kosovës, Haxhi Avdyli, ka komentuar deklaratat e bashkëpartiakut të tij, Lutfi Haziri, se PDK u ka bërë ofertë për ta rrëzuar qeverinë e Kosovës. Avdyli ka thënë se “kemi pasur edhe ne informata si deputet për një ofertë të tillë”.
Avdyli në DPT të Fidani ka thënë se Qeveria e Kosovës duhet të rrëzohet sa më shpejt.Ai ka thënë se kauza e LDK’së për ta rrezuar këtë qeveri është për keqqeverisje.
“ Ne kemi kauzë që kjo qeveri të rrëzohet për keqqeverisje. Ky është edhe qëllimi i jonë”.
Kurse kauza e PDK’së dhe Hashim Thaçit ka qenë për çështjen e shkëmbimit të territorit.
“ PDK dhe Thaçi e kanë qëllimin për ta rrezuar këtë qeveri, pasi Haradinaj ka dalë kundër idesë së tyre për ndarje të Kosovës. Ne nuk e përkrahim këtë kauzë”, ka thënë Avdyli.